السمبوسه اليمنيه على أصولها..
(بالعجينه المنزليه..)
المكونات..
4كوب دقيق كويتي اوفوم
نص كوب نشاء الذره..
1ملعقه صغيره ملح..
1 ملعقه كبيره سكر..
نص كوب زيت طبخ..
1كوب ونص مويه..
الطريقه..
-نخلط النواشف ( الدقيق والملح والسكر ونشاء الذره ..)
– بعدين نصب الزيت ونفركها لتصير مثل فتات الخبز وبعدين
نضيف المويه ونعجنها مزبوووط بحدود ربع ساعه..
– بتكون العجينه مشدوده ونريحها نص ساعه وكل مارتاحت اكثر طلعت مزبوطه اكثر..
-بعدين نفردها للعجينه بشكل رقيق ونقطعها دوائر ونحشيها او نقطعها كرات صغار وتفرد كل وحده لحالها (حسب الرغبه)ونسكرها بالقوالب الجاهزه او نسكرها بأصابعنا او بالشوكه بالضغط عالطرف..
-وتقلى بزيت غمر لتحمر وتقدم حااااره..
وبالعافيه..