خيار مخلل | مجلة توب ماكس تكنولوجي

خيار مخلل
تعالو نخلل احلي واطعمم خيار وعلي فكره مش مهم خالص حجم الخيار المهم التخليل الصح اولا نغلي الميه ونسيبها تبرد ودي خطوه مهمه جدا بتحافظ علي المخلل ومبيكونش ريم ابيض ولما تبرد نحط لكل لتر ميه ملعقه كبيره ملح وملعقتين خل وربع ملعقه صغيره شطه وفص توم مقطع وحبات فلفل أسود حصي وعود كرفس والتركه المهمه جدا رشه سكر ودي اللي بتحافظ علي القرمشه بتاعت الخيار لغايه اخر واحده في البرطمان ورشه السكر دي لمخلل الخيار فقط ونرص الخيار في برطمان نضيف وناشف كويس ونحط معاه فلفل حامي او رومي حسب الرغبه وننزل عليه بالميه المتحبشه الخطيره دي ونغطي البرطمان بقطعه فويل او كيس بلاستيك قبل الغطا علشان ميدخلش هوا ونقفل الغطا كويسونحط قطعه فويل تاني فوق الغطا ونسيبه تلت ايام فقط وكلي احلي خيار مخلل ومتنسيش تدعيلي

مقالات شائعة

تابع أيضا

أخر المواضيع

اقرأ في الموقع