السلام عليكم ورحمة الله وبركاته
مجموعة من المعجنات رمضاتية للفطور والسحور
مع حلول شهر رمضان الكريم قمت بجمع لكم مجموعة من المعجنات من منتديات مختلفة وقمت بطرجمتها لكم ووضعها بين ايديكم ان شاء الله تعجبكم
المقادير :
300 غ فرينة
نصف كاس سكر
2 ملاعق كبار حليب غبرة
2 ملاعق صغار خميرة
حبة بيضة مضربة ندو النصف فقط ونخلو النصف الاخر
2 ملاعق كبار زبدة لينة
2 ملاعق صغار ملح
ماء دافىء حوالي 80-95 ملل باه نلمدو العجينة
طريقة التحضير:
نقوم بخلط جميع المقادير المدكورة الفرينة+سكر+لحظة+نصف الحبة بيض+زبدة+ملح+خميرة وماء يساعدنا باه نلمد العجينة حتى نتحصل على عجينة طرية نتركها ترتاح ومبعد نشكلها حربوش ثم نثنيه لنتحصل على شكل ثمانية ونتركها ترتاح والصورة توضح اكثر
بعد ماترتاح العجينة ندهنها بالبيض الباقي ثم نقم بوضع الحشوة والحشوة كيما تحبي حطي فيها الوصفة هادي الحشوة متكونة من طون+زيت زيتون+فرماج مقطع قطع صغيرة+بيض مغلي مقطع+شوية ملح+مايوناز ثم نقوم برشه من فوق بالسانوج وندخله الفرن عند الاحمرار نخرجة وبالصحة
2- لي كورني مالح بكريمة الطون
المقادير:
رولي pate feuilletée كيفية صناعتها وطريقتها في هادا الرابط mille feuilles بالخطوات
علبة طون تاع الزيت
2 حبات بيض مغلي
شوية زيتون اخضر بدون نواة مقطع دوائر
كوب صغير مايوناز
ملح+فلفل اسود+قسبر+شوية قسبر للتزيين في الاخير
جبن مبشور
زبدة لدهن القوالب
بيض للدهن
شوية ماييز تاع السلطات
طريقة التحضير
نقوم بطرح العجينة وتقطيعها مستطيل باجرارة نتاع القريوشة ونقوم بلفها على القالب ثم نقوم بدهنها بالبيض ورشها بالسانوج ونقوم بادخالها الفرن يكون ساخن مسبقا وعند احرارها نخرجها ونخليها تبرد ماتنحوش القالب حتى تبرد مليح ونحيها
والان نحضر الحشوة بخلط جميع المقادير المدكورة ونقوم بحشو الكوني غير بهدوء باه ماتتكسرش ونرشها من فوق بالقسبر وبالصحة
3- معقودة لحم الدجاج بالجبن
500 غ لحم دجاج مفروم
ملح+فلفل اسود
فرماج
للقلي:
حبة بيض
خبز مطحون
فرينة
زيت للقلي
التحضير:
نقوم بخلط اللحم+ملح+فلفل اسود ونقوم بتشكيل دوائر وماتنساوش كي تلسق ديرو الفرينة في يدكم ثم نضع فرماج في الوسط ونقوم ببسطها ياليد على شكل دائرة ثم نمررها في الفرينة ثم البيض ثم الخبز المطحون ونقوم بقليها وشهية طيبة
4-لي شوصون بشكل جديد
المقادير :
رولي من pâte feuilletée
نصف حبة بصل مقطعة
فص ثوم +ملح
2 حبات طماطم
طون
فرماج مبشور
زيتون اخضر بدون نواة
التحضير:
نقوم بوضع البصل+ثوم+ملح+طماطم في مقلاة مع القليل من الزيت نطهيها حتى تصبح صلصة نتركها حتى تبرد ثم ناتي بالعجينة ونقوم بتقطيعها مربعات ونضع الصلصة والجبن والزيتون والطون ونقوم بغلقها ونقوم بالغط بالفرشيطة على الحوافي
ثم ندهنها بالبيض ونرشها بالسانوج وندخلها الفرن
