اكلات رمضان 2016 , طريقة عمل لحم ضاني مع اقراص البطاطس المهروسة , عزومات رمضانية

المكونات

• لحمة كتف ضانى
• 2 جرام حبوب كزبرة
• 2 جرام كمون
• 2 جرام كارى
• ملح
• 1 لتر شوربة لحمة
• 2 جرام حبوب فلفل اسود
• 1 عود روزمارى
• 1 عود زعتر
• 1 فص ثوم
• زيت زيتون
• 200 جرام بطاطس
• 40 جرام زبدة
• فلفل اسود مطحون

طريقة عمل لحمة كتف ضانى بالتوابل مع بطاطس مهروسة

1. أول حاجة تعمليها انك تخلى اللحمة من العضم.
2. بعد كده تلفيها رول وتربطيها بخيط طعام.
3. بعد كده ترشى عليها كلها ملح.
4. وتجيبى طاسة وفيها زيت زيتون، وتبتدى تشوحى فيها من كل الجوانب لغاية ما يتغير لونها، وبعد كده تغطيها وتسبيها.
5. بعد كده تفرمى الثوم مع الزعتر والروزمارى مع التوابل اللى عندك وتضيفيهم على اللحمة.
6. بعد كده تحطى اللحمة فى الفرن لمدة 3 ساعات على درجة 160 (على حسب قوة نار الفرن).
7. واثناء وهى فى الفرن تضيفى كل شوية كمية من الشوربة لغاية ما تخلص،
8. ولما تستوى، تطلعيها من الفرن، وتاخدى كل الشوربة اللى موجودة فيها، وتحطيها فى كاسارولة وتسبيها على النار لغاية ما ينقص ثلاث ارباعها، وترفعيها من على النر وتغطيها .
9. واثناء ذلك تكونى سايبة اللحمة تبرد، وبعد كده تفكى الخيط من عليها.
10. بعد كده تحضرى البطاطس المهروسة. اول حتجة تقشرى البطاطس وتغسليها وتقطعيها قطع صغيرة.
11. بعد كده تجيبى حلة صغيرة غويطة فيها مية وملح، واول ما تغلى تحطى فيها البطاطس لغاية ما تستوى.
12. بعد ما تستوى تهرسها، وتضيفى عليها الزبدة مع الملح والفلفل الاسود المفروم، وتخلطيهم معبعض كويس.
13. بعد كده تحطى البطاطس فى اطباق اشكار عندك، بحيث انها تاخد شكل عند التقديم.
14. بعد كده تاخدى اللحمة تانى وتحطيها فى الفرن لمدة 5 او 10 دقايق،لغاية ما لونها يغمق شوية.
15. بعد كده تقدميها فى وسط الطبق، وترشى حواليها بالمعلقة من الباقى من الشوربة اللى عندك.
16. وجنبها فى الطبق تقدمى البطاطس المهروسة بشكل القالب اللى كانت فيه. وبالهنا والشفا