كل سنة وانتوا كلكوا طيبين , وكل ست بيت بتحب تستعد وتحضر للشهر الكريم وكلنا بنحب نقدم الأكلات والحلويات الجميلة اللى كلنا بنحبها , هقدم لك النهاردة عجينة القطايف علشان تقدرى تعمليها فى البيت أفضل من شراؤها من السوق .

المقادير:
كوب دقيق
نصف كوب سميد
2 كوب ماء
نص ملعقة صغيرة بيكينج باودر
نص ملعقة صغيرة خميرة
ملعقة كبيرة سكر

طريقة التحضير:

قومى بخلط جميع المقادير مع بعض واتركيهم يرتاحوا نص ساعه

ثم ضعى مقلاة تيفال صغيره ويفضل جديدة على النار حتي تسخن ثم هدئ النار قليلا

باستعمال مغرفه ضعي العجينه في المقلاه الساخنه وحركي المقلاه برفق حتي تفرشي العجينه بها

وسوف يبدأ القرص بعمل فقاقيع صغيره به بعد سكبه بثواني

انتظري ثواني ثم ارفعيه بملعقه خشبيه وضعيه في طبق مسطح وغطيه بفوطه نظيفه

اكملي بقيه الكميه ثم احشي القطايف بالحشوه اللي تحبيها
وبالصحة والهنا,,,