وصفة أساسية جدا بعالم الكيك الأسفنجي الاساسي
وصفة أساسية جدا بعالم الكيك واللي هية الكيك الأسفنجي الاساسي …. هي الوصغة يلي رح أعرضها اليوم هية كيكة ال ٣ كاسات السهلة جدا … وهي الوصفة الرئيسية المعتمدة هون بالسويد عند جميع بياعين الكيك… كتير سهلة ومكوناتها متوفرة .. اذا كنتو دقيقين بالتطبيق بتنجح معاكم ان شاء الله …
كيكة ال ٣ كاسات
المقادير
بيض . سكر . دقيق . فانيليا. بيكنغ باودر . ودقيق البطاطا (او نشاء الذرة )
لقالب مقاس ١٦ سم نحتاج ٤ بيض
٢٠ سم نحتاج ٦ بيض
ل ٢٤ سم نحتاج ٨ بيض
ل٢٦ سم نحتاج ١٠ بيض
ولقوالب اكبر كلما زاد ٢ سم بتزيدو ٢ بيض .
العملية انه تحطو البيض المطلوب بكاسة وتشوفو لوين ملاها
وبتجيبو كاستين متلها بالزبط بتعبو وحده سكر لنفس مستوى البيض
والتانية بتعبو تلتينا طحين والتلت التالت دقيق البطاطا او نشا كمان لنفس المستوى وبالكاسة التالتة بتحطو بيكنغ باودر .
عيار البيكنغ باودر
م.ص ل ٢ بيض
٢ م.ص ل ٤ بيض
٢ونص م.ص ل ٦ بيض
٣ م.ص ل ٨ بيض
٣ ونص م.ص ل ١٠-١١ بيض
٤ م.ص ل ١٢-١٣ بيض.
بندهن قالب الكيك بزبده ومنغلفة ورق زبده من القاعده والجوانب وضروري تخلو الورق مرتفع عن حافة القالب بمنيح لانه بينفش كتير ازا ماكان مرتفع الحواف بيطفطف بالفرن.
منخفق البيض والسكر مع فانيليا ( ممكن اضافة م.ص خل او برش ليمون للتاكد من التخلص من زفارة البيض)
من ٢ ل ٤ بيض بدن معلقة صغيرة
من ٤ ل ٦ معلقتين صغار
من ٦ ل ٨ ٣ ملاعق صغار وهكذا.
منضل نخفق ليصير مزيج كثيف كتير الرسمة بتضل فوقو شي ١٠ ثا لتختفي (ما بصير تخفقو لدرجة انو الرسمة ماعاد تختفي بتكونو بالغتو بالخفق وبتخرب الوصفة)
بتبلشي تنخلي المقادير الجافة شوي شوي فوقه ٣ ملاعق بكل مرة والتحريك بحذر من تحت لفوق بسباتولا لحتى ما نخسر الهوا
بعدين توضع بالقالب في فرن محمى مسبقا على ١٦٠ من تحت فقط
واخر ربع ساعه من فوق وتحت (توضع بالجزء الاسفل من الفرن انتبهو منشان ما يحترق ورق الزبده بالشواية يلي فوق!)
بدا عالاقل ساعه بالفرن لانه مرتفعه لا تفتحو قبل الساعه
وبس تبرد بتتقطع وصحتين.
منقول من صفحه سيسر عدني
