مضغوط دجاج
المقادير
حبه دجاجه منظفه ومقطعه
بصلتين
نص قلص زيت
هيل
زر
ملعقه هرد
نص ملعقه كاري
قرفه
2 طماط
3 او 4 ملاعق صلصه
بهارات فلفل ماح كمون كبزره
4 فصوص ثوم مدقوق
ارز مغسول
الطريقه
نغسل الدجاجه ونبهرها بالملح والفلفل والكبزره والهرد والكاري ونخليها
نحط الزيت في قدر الضغط ونقطع البصل جوانح ونحطه فوق الزيت ونحط الزر والهيل والقرفه مع البصل ونخليه لما يبداء يذبل ويشقر شويه نحط فوقه الدجاج ونوزعه في قاع القدر جنب بعض فوق البصلنغطي عليه شويه القدر بدون مانضغطه وبعد عشر دقايق نفتحه ونحط الطماط والصلصه وشويه ماء ونغطيه شويه ونخليه يطابخ مع بعض ولما يبداء يتجانس نزيد ماء على قد الرز الذي بنضيفه لما تنجح الدجاجه مع ونخليه يطابخ ونظيف له ملعقه سمن او زبد حسب الرغبه تخلي الرز دسم وطري
نفور ماء ونسكبه فوق الرز المغسول ونخليه منقوع لمده عشر دقايق اقل او اكثر عادي
لما تنجح الدجاجه تطعميها تشوفي ناقصه ملح او بهارات تزيديها والملح لازم يكون زياده لانه لو اضفنا الرز بيطلع ناقص ملح
نحط الرز فوق الدجاجه ولازم يكون صوص الدجاجه يادوب يغطي الرز مش اكثر هذا المقدار ضروري للماء لانه لو زاد ببتعجن الرز
لو في بيبار احط قطعتين ثلاث واقفل الضغاطه تمام واخليها تقريبا 10 دقايق اهز الضغاطه اذا الرز مايتحرك معناه خلاص ناجح
ماافتحها اخليها مقفله مده 10 دقايق وافتحه
وتقلب في صحن التقديم
انا دائما اجهز الدجاجه والصوص واخليها لما قدني بقرب الغداء اضيف الرز واقفل وعشر دقايق ويكون جاهز
اضافة البطاطه حسب الرغبه وليمون المجفف و ورق الغار والبسباس الاخضر
منقول من صفحه استمتعي بطبخك 
