دي شوية نصايح هتخلي اكلك جميل👌
1 – لما تيجى تسوى المحشى اى نوع فلفل رومى وباذنجان او ورق عنب او كرنب بتحطى الشوربه وتسيبى مقدار عقله صوباع علشان ميطلعش معجن ويستوى كويس واول ما يتشرب انقليه على العين الصغيره ووطى عليه
2 – قبل ما تسوى اى حاجه فى الفرن سخنيه الاول
3 – الرز لما تيجى ما تعمليه عايريه بكوبايه علشان تعرفى تزوديه ميه او شوربه ولكل كوبايه رز كوبايه ميه بنفس الكوبايه
4 – لما تعملى الملوخيه متغطيهاش علشان متسقطش منك يعنى تبقى واقعه تحت وتفصل عن الشوربه
5 – لما تعملى القرص الطريه ابقى حطى عليها رشه فانيليا ولما تعجنيها سبيها 10 دقايق وبعدين شكليها ورصيها فى الصوانى وسبيها تخمر ساعتين هتبقى زى بتاعه الفرن واحلى
6 – لما تكونى بتعملى اى معجنات فى الفرن وحسيتى انها نشفت منك زى البيتزا مثلا غطيها اول ما تخرج من الفرن ربع ساعه هتبقى طريه
7 – الباميه والسبانخ والفاصوليا البيضه والبطاطس بيحبوا التوم وبيبقى طعمهم احلى يعنى بعد ما تطفى فص توم مهروس او متقطع صغير عليه وغطيها
8 – لما تكونى بتسلقى لحمه او فراخ متحطيش الملح الا بعد ما تستوى علشان الملح بياخر السوى
9 – لو بتسلقى لحمه او كوارع وطولت على النار ابقى حطى عليها نص معلقه صغيره سكر
10- العيش البلدى او السورى او القرص او البيتزا لو بقاى عندك زياده فى كيس وعلى الفريزر هيفضل طازه
11 – علشان تدى طعم الفحم لكباب الحله او كفته مشويه فى الفرن او فراخ مشويه او حوواشى بتجيبى قطعه فحم صغيره وحطيها على النار وورقه فويل واعمليها زى الطبق وحطى فيها نص معلقه صغيره سمنه وحطيها فى وسط الحله او الصينيه وحطى عليها الفحمه وغطى كويس ربع ساعه
12 – اغسلى دايما المواعين وانتى بتطبخى هتلاقى المطبخ دايما رايق
13 – البسبوسه لما تعمليها اسقيها الشربات سخن اول ما تخرج من الفرن علشان تبقى طريه
14 – افضل زيت للقلى زيت دوار الشمس لكن زيت الذره وزيت الزيتون مش مستحب تعريضه للنار
15 – كوب دقيق او 2 كوب دقيق مع باقى المكونات بالنسبه للكيكه دى بتتعمل فى صينيه مقاس 24 اللى هى الصغيره لو عندك 3 صوانى جوه بعض
— لو زادت المقادير لنص المقادير على المقدار السابق يبقى صينيه مقاس 28 اللى هى الوسطانيه
لو زادت المقادير للضعف بالنسبه للمقادير السابق ذكرها يبقى صينيه مقاس 30 اللى هى الكبيره
16 – لو هتعملى كوب دقيق سميد مع باقى المقادير وده بالنسبه للبسبوسه يبقى صينيه مقاس 24
لو زاده للضعف يبقى صينيه مقاس 28
17 – لو مش بتحبى الشربات مسكر اوى يبقى لكل كوب سكر كوب ونص ميه كده هيبقى خفيف فى الطعم وخفيف كمان فى الكثافه
18 – عايزه الشربات تقيل ومسكر اكتير يبقى 2 كوب سكر وعليهم كوب ماء
19 – العجين سبيه يخمر على الاقل ساعتين هتبقى نتيجه احلى
20 – وانتى بتسلقى الكرنب او القرنبيط حطى شويه كمون فى ميه السلق ونص ليمونه علشان الحله ما تسودش وكمان لو القرنبيط مش نظيف هينضف
21 – لما تسوى محشى الكوسه باللحمه المعصجه ابقى افرشى الحله بقلب الكوسه اللى طلعتيه بعد التقوير ورصى الكوسه واقفه واسقيها يادوب تلت الحله بس واول ما تتشرب وطى النار عليها واول ما لونها يتغير اطفى عليها كده تبقى الف هنا
اقرأ في الموقع
ورق الحائط ثلاثي الابعاد واسقف جبسيه روعه والوان دهان2017
في قسم:ديكور
رجيم سريع المفعول وسهل للمرضعات
في قسم:اناقة وجمال
طريقة عمل المقروطة بالتمر
في قسم:تعليم الطبخ
اروع ورق جدران للحائط 2014
في قسم:ألوان الدهانات
افكار ابداعية لديكورات السلالم وديكورات تحت سلم الدرج 2017
في قسم:ديكور
ميني كب بسبوسه باللوز
في قسم:تعليم الطبخ
جديد ديكورات عصرية للعروسين ابداع الديكورات الفخمة
في قسم:ديكور
صور حدائق داخل المنازل ديكور حدائق منزلية
في قسم:صور
فشل فيل
في قسم:كتب التنمية البشرية
صور مطابخ يجننوا
في قسم:ديكور
نقش حناء للعرائس 2014 ، صور نقش حنة خليجي 2015
في قسم:جديد التكنولوجيا
تصاميم جبس بورد اروع التصمايم الحديثه
في قسم:جبسيات
ورد وزهور
في قسم:صور
اثاث مودرن 2014 دواليب غرفة نوم دولاب الثياب خزائن ملابس
في قسم:ديكور
شقق رهيبة وديكور متناسق
في قسم:ديكور
معمول الطحين الفاخر ( معمول المحلات ) ومع كل أسراره
في قسم:تعليم الطبخ
أجمل ديكور غرف نوم اطفال بنات
في قسم:غرف نوم
كوشات روعه 2015
في قسم:كوشات أعراس
كعك بالدخن مع قلص شاهي
في قسم:تعليم الطبخ
فيليه السمك بصوص الزبدة بالصور
في قسم:تعليم الطبخ