معجنات بالجبنه
مقادير العجينة:
٥ كوب دقيق
٢معلقة كبار خميرة فورية
٢ معلقة كبار سكر
٢ كوب ماء دافئ
ربع كوب حليب بودرة
نصف كوب زيت
رشة ملح
للحشوة:
جبنة بيضاء
بقدونس
وممكن اي حشوة تحبوها تونة او فاهيتا فراخ او سوسيس
لدهان الوش:
صفار بيض
رشة نسكافيه
رشة فانيليا
معلقة حليب
طريقة العجين: في بولة نضع ٢ كوب من الدقيق مع ٢ كوب المياه الدافية عليهم اللبن البودرة والخميرة والسكر ونقلبهم لحد ما تبقي عجينة سايلة ونغطيهم ربع ساعة وبعد كدة نجيب العجين ونحط عليهم باقي الدقيق والزيت ورشة الملح ونعجن حوالي ٧ دقايق ونغطيها ونسيبها نصف ساعة
وبعد ما تخمر العجين نفردها شكل مستطيل كبير ونقطعها شرايح طويلة وناخد كل شريحة نلفها علي الكونو ونكون دهنينوا بفرشة ونعمل كل الكمية كدة ونسيبها تخمر عشر دقايق وندهنها وندخلها الفرن علي درجة حرارة ١٨٠ وتبرد خالص ونحشيها جبنة ونزينها بالبقدونس وبالهنا والشفا..
وممكن ترشوا بعد دهان العجين سمسم وحبة البركة هلي العجين.
وممكن بدل البقدونس تحطوا جبنة رومي مبشورة..
