(( شوية نصايح للمطبخ ))
————————-
_ تبلي دقيق السمك بملح وفلفل وكمون وشطة ونشا وبيكنج بودر وقبل القلي غطسيه في ميه بسرعه عشان يطلع دهبى ومقرمش
_ العيش الفينو قبل ماتعمليه سندوتشات شيلي القلب واقطعي الحروف وحمصيهم واطحنيهم ضيفي عليهم توم بودر وبصل بودر وبابريكا وملح وفلفل ونشا وبيكنج بودر
للبانيه والفراخ المقرمشة
_ الباذنجان المخلل ضيفي نعناع ناشف مع التوم بيدى طعم جميل
_ البشاميل ضيفي جبنه مثلثات او كريمي وقشطة وجبن رومي مبشورة و٣ ملاعق مايونيز
وعلي الوش موتزريلا عشان يخلى المكرونة تطلع جامدة
_ الملوخيه ملعقة سكر وشوية كاتشب او ملعقة صلصة بتخليها مسكرة وزى العسل
_ ملعقة سكر في صلصة المكرونة عشان متعملش حموضة
_ قشر الليمون في زيت قلي السمك
_ نقع البانيه في لبن قبل التتبيلة بيكون حلو ومتشرب من اللبن
_ الشاورما اللحمة ضيفي لها قطعة ليه ضانى بتدى ريحة وطعم جميل
_ البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت
_ قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد
_ رشة لبن بودرة علي وش البشاميل هتدى لون حلو للمكرونة
_ محشي الكرنب سخني حته زبدة وقشطة وحطيه عليه قبل ما يستوي عشان يبقى بيلمع وطعمة جميل
_ ملعقة خل في الكيك بتخليها هشة وطرية
_ عسل في تتبيلة الفراخ المشوية بتدى طعم حلو _ زبادي في تتبيلة البانيه بيخلية طرى ومستوى كويس
_ البتنجان المحمر خليه وهو سخن واقفلي عليه العلبه عشان يطلع طرى مش ناشف
_ ملعقة بيكنج بودر في شوربة اللي هتسقي بيها الرقاق باللحمه هيبقي مقرمش ومورق
_ البطاطا المشوية واعمليها في الكيس الحراري رشي عليها سكر وتدخليها الفرن هتستوى اسرع وهتبقى حلوة
_ ادعكي الفراخ ببصلة وملح وفلفل قبل السلق عشان يبقى ليها طعم وريحة ومتبقاش زفرة
_ لما تشربي القهوة مترميش التفل ده سكرب هائل لبشرتك ادعكى بية وشك وايدك
_ اكياس الشاي مترميهاش سقعيها وحطيها علي عينك للاجهاد والهالات السودا
_ الرز باللبن ضيفي كيس كريم شانتيه هيخلى الطعم جامد وزى بتاع برة بالظبط
_ والبسبوسة لازم عسل ابيض او عسل تقيل في العجن عشان تكون زى الجاهزة واحلى كمان
_ رشي دقيق علي بصل الكشري قبل التحميرعشان يكون مقرمش
_ سفن اب او ميرندا الكيك بيخليها هشة وجميلة
_ رشة زعتر علي صلصة المكرونة بتدى ريحة حلو وطعم مميز
_ بيكنج بودر علي عجينة الكفته المشوية ميخلهاش تكش وتكون منفوشة زى ما هى
_لفي الليمون في ورق جرائد عشان يحتفظ بلونة وميعفنش
_ ملعقة بن وملعقة سكر لخلطة المحشي وابشري الطماطم متعصريهاش في الخلاط لو بتحبية نى فى نى مش متسبك بيخلى طعمة جميل
_ تشوح اللحم في الزبد وحبهان وورق لورا قبل السلق نديها صدمة عشان يبقى لونة بنى وجميل مش بيضة
_ الرز الابيض شوحي مستكة وحبهان في السمن قبل الرزهيدى ريحة حلوة لرز
_لاحلي صلصة مكرونة اضربي مع الطماطم توم وفلفل رومي وفلفل حامي
_ إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو
_الحمام المحشي 30 دقيقة بعد غلي الميه لسلقة
الممبار 45 دقيقة لسلقة
الفراخ المحشية ساعة وربع
_ الكيس الحراري لتسوية الفراخ والبط
_ حشو الجلاش موتزريلا مع العصاج
_ الرز البسمتي اكشفي الغطا بعد ما يستوي عشان يبقى مفلفل ميعجنش
_ زيت البطاطس نضفي بيه السيراميك والشفاط هينضف بسرعة جدا
_ وانتي بتقلي البانيه حطي ملعقة زبدة مع الزيت هيبقي زي المطاعم-
———–
يا رب تعجبكم الوصفات وما تنسوش تدعولى
منقول
اقرأ في الموقع
السعرات الحرارية ومحتاج قد ايه علشان تحرقها
في قسم:تعليم الطبخ
اكتشف نفسك … إذا كان عليك أن تنطلق فانطلق من هنا ..
في قسم:نصائح و حكم
قصه ذات معاني وعبر إن بعض الظن إثم
في قسم:نصائح و حكم
كيفية اختيار وجبة إفطار مثالية في رمضان
في قسم:تعليم الطبخ
سلالم فاخرة لشقق ديلوكس بافكار جديدة 2015
في قسم:سيراميك
صور عن المطر صور مكتوب عليها عن نزول المطر دعاء المطر
في قسم:صور
تشكيلة صور سيراميك حمامات لاصحاب الذوق الرفيع
في قسم:سيراميك
ادوات للمطبخ جديدة وحديثة 2016
في قسم:ديكور
اجمل غرف نوم للعرسان غرف رومانسيه ملكيه
في قسم:ديكور
٧ نصائح للتخلص من مشكلة جفاف اليدين بسبب غسل الصحون 7
في قسم:اناقة وجمال
ادوات تسهل الطبخ
في قسم:ديكور
طريقه عمل دبس الرمان السوري
في قسم:جديد التكنولوجيا
ارق نقش حناء للعروس رائع جدا 2014 نقش حناء رائع للعروس
في قسم:جديد التكنولوجيا
ديكور صالات وجبسيات روعه 2014
في قسم:جبسيات
قطايف التوت
في قسم:تعليم الطبخ
بريوات بالسبانخ
في قسم:تعليم الطبخ
البتي فور الهش
في قسم:تعليم الطبخ
البرك التركي
في قسم:تعليم الطبخ
اروع سفرة طعام منتهى الرقي والجمال
في قسم:تعليم الطبخ
مناظر طبيعية landscapes إبداع الخالق
في قسم:مناظر طبيعية