شوية أسرار و تكات وحركات عشان اكلك يبقي احلي

 شوية أسرار و تكات وحركات عشان اكلك يبقي احلي

١_وانتي بتسوي الاكل سوية علي نار هادية هيفرق جدا معاكي في الطعم يعني بمجرد أنه يغلي هدي النار و غطي الحلة وسيبي الأكل يستوي براحته عالاخر وشوفي طعمه هيبقي ازاي هتاكلي صوابعك وراه……….

٢_خلي بالك وانتي بتحطي البهارات عشان كل اكله وليها بهاراتها المخصوصه مثلا الكمون مينفعش تحطيه مع اللحمه العصاج دائما حطي البهار المناسب للوصفة والكمية المناسبة بدون مبالغة عشان متفقديش الطعم الأصلي و اللذيذ للطبق

٣_جربي حطي ملعقة صغيرة سكر للملوخية و البسلة و الرز بالبصل هيديها طعم رائع وكمان هيظهر الطعم ……

٤_وانتي بتعملي الأرز بالشعرية دايما حطي الشعرية نصف مقدار الأرز عشان تديكي طعم لذيذ زي بتاع المطاعم …….

٥_إدعكي بصل السلطة الخضراء بملح و ليمون وسبيه علي جنب و يترك ولما تيجي تقدميه حطيه مع باقي المكونات لييييية بقي عشان بيكسر حدة طعم البصل و يقضي علي رائحته الغير مستحبة بالفم …..

٦_عيزة السلطة الخضراء بتاعتك تبقي زي بتاعت المطاعم ، ضيفي شرائح بصل ، كزبرة جافة ، ملح ، ليمون ، خل ، كمون ، كزبرة خضراء و بقدونس و شبت بجانب الطماطم و الخيار و أي خضار تاني انتي عيزة تزوديه……

٧_بصل الكشري البني قبل ما تحميره حطيه في ملعقة دقيق ورشه ملح و نفضي الدقيق الزائد و اقليه لغاية متوصلي للون اللي عيزاه وكده مش هيشرب زيت وهيقرمش……..

٨_وانتي بتسلقي الفراخ والارانب شوحيها الاول في السمن مع شوية من المستكة و الحبهان وورق اللورا و الفلفل الأسمر الحب كويس وبعدين صبي عليها مايه مغليه واعملي احلي شوربة وادعيلي ……..

٩_وانتي بتشتري البهارات اشتريها حبوب و نقيها وبعدين اطحنيها و بالنسبة للكزبرة و الكمون حمصيهم الاول علي النار قبل ما تطحنيهم وشوفي فرق الطعم بنفسك……

١٠_اعجني المعجنات و المخبوزات باللبن الرايب و شوفي بقي هيخلي العجينة ازاي هشة و طرية و لذيذة وكلي منها وادعيلي بردة….

  • views
  • تم النشر في:

    تعليم الطبخ

  • آخر تعديل: At 7:50 م
  • كلمات دلالية: , , , , , , , , , , ,
  • قم بنسخ الرابط المختصر أدناه من زر النسخ لمشاركته:

    https://review.topmaxtech.net/?p=61106