معمول العيد سهل جدااا  هش ولذيذ

معمول العيد سهل جدااا  هش ولذيذ

يسعد لي يومكم وعيد مبارك مقدكم جبت لكم معمول العيد سهل جدااا 
هش ولذيذ جربوه وان شاء الله يعجبكم 👏🏻

المقادير: 
٣ أكواب دقيق 
نص كوب دقيق أسمر 
ملعقتين كبيره حليب بودره
ملعقه كبيره سكر 
ملعقه صغيره بيكنج بودر 
ملعقه صغيره ملح
ملعقه كبيره بهارات المعمول 
عباره عن ( يانسون ، قرفه ، هيل ، شمر مخلوطين )
نص كوب زيت 
كوب زبده ٢٠٠ غرام 
نص كوب مويه دافيه
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
للحشوه : 
تمر معجون 
ملعقه كبيره زبده 
ملعقه صغيره بهارات المعمول ( ممكن تضيفو اي نكهه تحبو )
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الطريقه :
اول شيء نجهز التمر المعجون ونكوره ونسوي عجينة المعمول وضروري نفرك الدقيق بالزيت وبعدين نضيف عليها زبده حاره ونحركها بالملعقه الين ماتدفىء نعجنها بيدنا ونضيف عليها مويه دافيه ونقعد نعجن الين ماتصير العجينه متماسكه بعدين نشكل المعمول واسهل شيء يكون معاك نايلون نغلفها كويس وناخذ قطعه من العجينه ونسوي تجويف مع الضغط على الاطراف وبالنص عشان تاخذ شكل حلو وراح تطلع زوايد من فوق وقت التجويف خلوها عشان نقفل العجينه بعد مانضيف التمر وفي طريقه ثانيه انك تحشي كل العجينه بالتمر وتكوريها بعدين تضغطي عليها بحق المعمول وترصيها بصينيه عليها ورق زبده او صينيه تيفال وندخلها على فرن حار ١٨٠ درجة لمدة ١٥ الى ٢٠ دقيقه او الين ماتحمر على خفيف من تحت يعني انتبهي عليها واذا حمرت نطفي من تحت ونولع من فوق الين ماتاخذ لون ذهبي ولو تحبوها حاليه رشو عليها سكر واحفظوها وغطوها في غرفه حرارتها كويسه وكمان لو سويتو كمية كبيره تقدرو تدخلوها الثلاجه وتحفظوها لوقت طويل الطعم هو هو مايتغير ، انصحكم تجربوه مره لذيذ

 

منقول 

  • views
  • تم النشر في:

    تعليم الطبخ

  • آخر تعديل: At 8:17 م
  • كلمات دلالية: , , , , , , , ,
  • قم بنسخ الرابط المختصر أدناه من زر النسخ لمشاركته:

    https://review.topmaxtech.net/?p=72197