معمول بالطحين

الا يا صبايا اللي ما عملت معمول تقوم تحضر المكونات وتبلش اليوم تشتغل فيهم عنجد كتير طيبين وطريقة كتير سهله وناجحه

معمول بالطحين37539376 1925723574181301 2932700323652829184 n 300x169 معمول بالطحين 39118146 1925723284181330 4522581621882224640 n 300x169 معمول بالطحين

المكونات 
كيلو طحين منخل
500 غم زبده او 250 زبده و 250 سمنه ازا حبيتي تخلطي انا خلطت سمنه وزبده
6 حبات جبنه المثلثات انا استعملت جبنه البقره الضاحكة 
نصف كوب زيت الذره 
كوب سكر بودره 
نصف كوب قطر او شيره 
معلقتين صغار ملانين او باكيتين فانيلا بودره
نصف معلقه من المحلب المطحون

الطريقه 
في وعاء حطي الزبده والسمنه لازم يكونو كل المكونات بحراره المطبخ وكمان حطي فوقهم الزيت والجبنه والسكر والقطر والفانيلا وبالخلاط الكهربائي اخفقي كل المكونات 3 دقائق لحتى يصبح لون الخليط فاتح

تاني خطوه ضعي فوق المكونات الطحين المنخل بالتدريج وبالمعلقه قلبي فيه تقليب من تحت لفوق مش عجن ديري بالك وبس اتبلش العجينه ما بتختلط بالمعلقه بتبلشي تخليطي المكونات باليد وكمان مره بحكي ما تعجينيها متل العجينه لميها لام بيدك ازا لقيتها ما تماسكت العجينيه حطي على عليها معلقه سمنه ولميها فيها

غطي العجينه واتركيها ترتاح ساعه كامله في الثلاجه 
بعد هيك بتقدري تشتغلي فيها يا تنقيش يا بالقالب المعمول وازا لقيتيها بتلزق بالقالب فيكي تحطي على القالب شويه طحين كل ما تعملي حبتين ارجعي حطي عليه شوية طحين

حمي الفرن لدرجه 220 درجه او حسب فرنك وانتبهي عليهم ما يحترقو من تحت او بعد 5 دقائق حمري وجههم

اتركيهم يبردو بعدين ضعيهم بصحن التقديم 
صحتين صبايا

أم امير الورد

 

منقول 

الرابط المختصر : http://review.topmaxtech.net/?p=73942

  • تمت قراءته 49 مرة
  • تعليم الطبخ

  • أخر تعديل :
تفاصيل المقالة