معمول المكسرات

معمول المكسرات

 74614133 104857540979899 6260935743351291904 o 300x300 معمول المكسرات

منقول من صفحة المطبخ اليمني

المعمول💜
المقادير
.
كيلو طحين ابيض (٧ أكواب ونصف معيارية)
نص كيلو سمنة لينة مائلة للبرودة (كوبين ونص)يفضل يكون سمن حيواني
نعجنهم مع بعض منيح ليتجانسو ونحطن بالثلاجة ساعتين ..
.

نطلعن من البراد (الثلاجة ) ونعجن مرة ثانية .
.
.عجنب نخلط كوب سكر مع كوب ماء مثلج و5 معالق قطر ثقيل(شيرة) .

نخلطن مع بعض منيح ونضيفن للعجينة بالتدريج ونلم العجينة لم بروس الاصابع بدووون عجن …( حتى ما يطلع المعمول قاسي )
.

بس تتشرب العجينة كل السوائل وتتجانس رح تكون طرية شوي نرجعها عالثلاجة مرة تانية لمدة ساعتين او أكثر
الحشوات
1.تمر مطحون يعجن بمعلقة كبيرة سمن حيواني ومعلقة قطر (شيرة)
.

2.الفستق ..جوز ..كاجو …مفروم كل 200 غرام نضيف لهم معلقة صغيرة سمنة ومعلقتين ماءزهر و3 معالق قطر ومعلقة كبيرة سكر بودرة ونعجنهم منيح ..(انا طحنت شوي من الفستق بودرة عشان اقدر شكلها كرات)
ندخلهم عالثلاجة شوي لتمسك الحشوة معنا ..ونشكلهم كرات ..
.

ملااااحظة ضروورية ..
.

1.العجينة وقت بدك تشتغلي فيها بتبدأي فيها قطعة قطعة ماطلعيها كلها من البراد .

2.بعد ماتحشي المعمول ضعيهم بالبراد ربع ساعة قبل ماتشكليهم بالقالب مشان تثبت الرسمة عليهن .

وعالفرن فورا مسخن مسبقا على درجة حرارة 220 من فوق وتحت عالرف الوسط مع المراقبة .

3 .لا تفتحي عليهم الفرن اثناء الخبز.. عند اللزوم فقط حتى مايحصل فيهم تشققات .

3.بعد الخبز غطيهم بقماش نضيف لبين مايبرد وبعدين عالحافظات وبالعافية 🌷 .
.
.

الرابط المختصر : http://review.topmaxtech.net/?p=86084

  • تمت قراءته 4 مرة
  • تعليم الطبخ

  • أخر تعديل :
تفاصيل المقالة