طريقة رسم الصور على الكيك

طريقة رسم الصور على الكيك

         

الرسم على الكيك مش صعب زي ما ناس كتير بتتخيل.. بشوية أدوات بسيطة واستخدام الكريمة بالقوام المظبوط بتطلع شكلها جميل اوي .. ممكن نستعمل التكنيك ده لرسم أي اشكال أو شخصيات

كارتونية أو حتى للكتابة بشكل حلو .. شوفوا الخطوات بالصور في البوست ده

اولا الأدوات اللي هنحتاجها 

اقماع واكياس تزيين الكيك والاقماع لازم تكون مستقيمة ورفيعة للإطار واكبر شوية للألوان الداخلية

 (wax paper)ورق شمع أو زبدة .. بالتجربة ورق الشمع أفضل بكتير

لوحة تقطيع زي اللي بنقطع عليها الخضار أو اللحمة بس تكون نظيفة وجافة تماما أو صينية

سيلوتب لتثبيت الصورة على لوحة التقطيع

سباتولة صغيرة أو سكينة زبدة

*جاناش بالشوكولاتة ضعف كمية  الكريمة للإطار الخارجي (مقدارين شوكولاتة خام قطع صغيرة لكل مقدار كريمة حلويات مغلية .. نغلي الكريمة وبعدين نصبها على الشوكولاتة ونقلب جيدا حتى تذوب الشوكولاتة تماما  )

**كريمة زبدة (4 كوب سكر اسينج + 1/2 كوب زبدة + 1/2 كوب سمن نباتي + 2 معلقة مية أو لبن ..  نخلط بمضرب البيض 5 دقائق للوصول لقوام متماسك )

الوان جل حسب الرغبة

صورة مطبوعة معكوسة أفقيا (الشمال يمين واليمين شمال ) — ممكن ده بسهولة من برنامج زي Paint Brush

paintbrush

frozen1

*ملحوظة : الاطار ممكن نعمله بكريمه الزبدة  متلونة اسود عادي جدا بس انا بالتجربة لاقيت الجاناش السميك بيدي شكل احسن واقوى للإطار

**ملحوظة : لاحظوا الوصفة دي مختلفة شوية عن وصفة كريمة الزبدة لحشو الكيك .. فيها سائل اقل وكمان فيها نص سمن ونص زبدة وده عشان السمن احسن في التماسك مع درجة الحرارة المرتفعةعن الزبدة ..والسائل الاقل مقصود برده عشان لو الكريمة قوامها مش متماسك جدا الألوان مع الرسم بتسيح في بعض

هام جدا : لأفضل نتيجة نجهز الرسمة كاملة ونشيلها في الفريزر اليوم اللي قبل تزيين وتقديم التورتة

ثانيا الطريقة

نجيب لوحة التقطيع ونحط عليها الرسمة المطبوعة وفوقها ورق الشمع ونثبتها كويس بالسلوتب — لاحظوا إنه الصورة اللي هنشتغل عليها اتجاهها معكوس أفقيا عن الصورة الأصلية اللي فوق

frozen3

 نجهز الجاناش أو كريمة الزبدة بلون اسود أو بني غامق عشان رسم الاطار الخارجي ونضعه في كيس تزين بالقمع . الصورة دي مثال لنوع القمع اللي محتاجينه لرسم الاطار

piping-royal-icing-450x300

نبدأ في شف الاطار الخارجي من الرسمة  والخطوط العريضة  في الصورة ولما نخلص الاطار نضع اللوحة في الفريزر ربع ساعة

frozen4

في الوقت ده نقسم كريمة الزبدة بالألوان عشان تفاصيل الصورة

نخرج اللوحة من الفريزر ونبدأ في تلوين التفاصيل والألوان الداخلية للصورة وناخد بالنا إن الكريمة في تفاصيل الصورة تكون مستوية .. ممكن نستعمل سباتولة صغيرة أو سكينة زبدة أو حتى ظهر معلقة صغيرة  لفرد الكريمة داخل تفاصيل الصورة

frozen5

نضع اللوحة في الفريزر ربع ساعة كمان

بعد مانخرجها نعمل طبقة مفرودة من كريمة الزبدة بنفس لون الكريمة اللي هتغطي بيها الكيك..

frozen6

frozen7

ونسيب اللوحة في الفريزر على الاقل 5 ساعات قبل وضعها على الكيك

نجهز التورتة وتكون متغطية بكريمة الزبدة تماما

نطلع اللوحة من الفريزر ونفك ورق الشمع المرسوم عليه من اللوحة

نضع الرسمة على التورتة برفق ونقشر ورق الشمع من على التورتة

وبعدها نكمل تزين التورتة حسب الرغبة

frozen8

  • views
  • تم النشر في:

    تعليم الطبخ

  • آخر تعديل: At 6:19 م
  • كلمات دلالية: , , , , , ,
  • قم بنسخ الرابط المختصر أدناه من زر النسخ لمشاركته:

    https://review.topmaxtech.net/?p=50960