دي شوية نصايح هتخلي اكلك جميل👌
1 – لما تيجى تسوى المحشى اى نوع فلفل رومى وباذنجان او ورق عنب او كرنب بتحطى الشوربه وتسيبى مقدار عقله صوباع علشان ميطلعش معجن ويستوى كويس واول ما يتشرب انقليه على العين الصغيره ووطى عليه
2 – قبل ما تسوى اى حاجه فى الفرن سخنيه الاول
3 – الرز لما تيجى ما تعمليه عايريه بكوبايه علشان تعرفى تزوديه ميه او شوربه ولكل كوبايه رز كوبايه ميه بنفس الكوبايه
4 – لما تعملى الملوخيه متغطيهاش علشان متسقطش منك يعنى تبقى واقعه تحت وتفصل عن الشوربه
5 – لما تعملى القرص الطريه ابقى حطى عليها رشه فانيليا ولما تعجنيها سبيها 10 دقايق وبعدين شكليها ورصيها فى الصوانى وسبيها تخمر ساعتين هتبقى زى بتاعه الفرن واحلى
6 – لما تكونى بتعملى اى معجنات فى الفرن وحسيتى انها نشفت منك زى البيتزا مثلا غطيها اول ما تخرج من الفرن ربع ساعه هتبقى طريه
7 – الباميه والسبانخ والفاصوليا البيضه والبطاطس بيحبوا التوم وبيبقى طعمهم احلى يعنى بعد ما تطفى فص توم مهروس او متقطع صغير عليه وغطيها
8 – لما تكونى بتسلقى لحمه او فراخ متحطيش الملح الا بعد ما تستوى علشان الملح بياخر السوى
9 – لو بتسلقى لحمه او كوارع وطولت على النار ابقى حطى عليها نص معلقه صغيره سكر
10- العيش البلدى او السورى او القرص او البيتزا لو بقاى عندك زياده فى كيس وعلى الفريزر هيفضل طازه
11 – علشان تدى طعم الفحم لكباب الحله او كفته مشويه فى الفرن او فراخ مشويه او حوواشى بتجيبى قطعه فحم صغيره وحطيها على النار وورقه فويل واعمليها زى الطبق وحطى فيها نص معلقه صغيره سمنه وحطيها فى وسط الحله او الصينيه وحطى عليها الفحمه وغطى كويس ربع ساعه
12 – اغسلى دايما المواعين وانتى بتطبخى هتلاقى المطبخ دايما رايق
13 – البسبوسه لما تعمليها اسقيها الشربات سخن اول ما تخرج من الفرن علشان تبقى طريه
14 – افضل زيت للقلى زيت دوار الشمس لكن زيت الذره وزيت الزيتون مش مستحب تعريضه للنار
15 – كوب دقيق او 2 كوب دقيق مع باقى المكونات بالنسبه للكيكه دى بتتعمل فى صينيه مقاس 24 اللى هى الصغيره لو عندك 3 صوانى جوه بعض
— لو زادت المقادير لنص المقادير على المقدار السابق يبقى صينيه مقاس 28 اللى هى الوسطانيه
لو زادت المقادير للضعف بالنسبه للمقادير السابق ذكرها يبقى صينيه مقاس 30 اللى هى الكبيره
16 – لو هتعملى كوب دقيق سميد مع باقى المقادير وده بالنسبه للبسبوسه يبقى صينيه مقاس 24
لو زاده للضعف يبقى صينيه مقاس 28
17 – لو مش بتحبى الشربات مسكر اوى يبقى لكل كوب سكر كوب ونص ميه كده هيبقى خفيف فى الطعم وخفيف كمان فى الكثافه
18 – عايزه الشربات تقيل ومسكر اكتير يبقى 2 كوب سكر وعليهم كوب ماء
19 – العجين سبيه يخمر على الاقل ساعتين هتبقى نتيجه احلى
20 – وانتى بتسلقى الكرنب او القرنبيط حطى شويه كمون فى ميه السلق ونص ليمونه علشان الحله ما تسودش وكمان لو القرنبيط مش نظيف هينضف
21 – لما تسوى محشى الكوسه باللحمه المعصجه ابقى افرشى الحله بقلب الكوسه اللى طلعتيه بعد التقوير ورصى الكوسه واقفه واسقيها يادوب تلت الحله بس واول ما تتشرب وطى النار عليها واول ما لونها يتغير اطفى عليها كده تبقى الف هنا
اقرأ في الموقع
رسائل رمضانية مسجات تهنئة بشهر رمضان2015
في قسم:الترفيهية
اجمل ديكورات غرف للبنات حديثة غرف بنات 2015
في قسم:غرف نوم
كوش افراح رهيبة اجمل واشيك قاعات اعراس 2017 كوشات اعراس ملكية للافراح
في قسم:كوشات أعراس
دجاج مشوي بالبطاطس و البصل
في قسم:تعليم الطبخ
مقابلة عمل بشروط مجحفة لأصعب وظيفة بالعالم تنتهي بمفاجأة
في قسم:مكتبة الفيديو
الجبنة المثلثات
في قسم:تعليم الطبخ
اروع تصاميم تجنن 2017
في قسم:ديكور
غرف جلوس بألوان عصرية
في قسم:ألوان الدهانات
كيف تقوم بـصناعة مضخة مياه 9 فولت
في قسم:مكتبة الفيديو
طريقة عمل معمول التمر
في قسم:تعليم الطبخ
جبس ملون راقي وجذاب 2014
في قسم:جبسيات
ابتسم تلك اللغة الإنسانية العالمية
في قسم:أداب المعاملات
محبي الاعمال اليدوية افكار منزلية مدهشة تعطي تميزاً لبيتك
في قسم:الأشغال اليدوية
اعادة تدوير واستغلال الاطار القديم عجلة السياره لعمل كراسي مريحه وتربيزه
في قسم:الأشغال اليدوية
صور مشاتل زراعية روعه
في قسم:مناظر طبيعية
مجموعة موديلات لغرف النوم بلون الوردي و البنفسجي وجبسيات بورد
في قسم:ديكور
سلالم روعه وديكور لتحت الدرج
في قسم:ديكور
كعك رومي
في قسم:تعليم الطبخ
غرف نوم اوف وايت 2017 على احدث الموديلات
في قسم:ديكور
كوشات أعراس جميلة مجموعة كبيرة لقاعات الافراح 2016
في قسم:كوشات أعراس